На 10.07.2021 година, на тестниот пчеларник на MacBee во Мршевци беше реализирана обука за новите членови за изведување на перформанс тестирањето на пчелни семејства. Обуката ја водеше координаторот на тестирањата, М-р Борче Павлов, кој новите членови ги запозна со поимот и значењето на тестирањата, Протоколот за тестирање, како и повеќе упатства за формирање на тестни пчелни семејства, воведување на матиците во истите, нивно поставување на пчеларникот и др.
Обучените нови членови ќе бидат вклучени во шестиот циклус на перформанс тестирања на пчелни семејства од подвидот Apis mellifera macedonica.
