MacBee со големо задоволство го најавува новото, деветто издание на традиционалниот настан „Пчеларски ден- знаење и дружење“. Информативно-едукативниот настан, на кој редовно гостуваат врвни домашни и странски експерти и научни работници од областа на пчеларството ќе се одржи на 15 Декември (недела) 2024 година на Факултетот за земјоделски науки и храна во Скопје. Главен гостин на настанот ќе биде д-р Ралф Бихлер од Германија, кој пред македонските пчелари ќе сподели искуства од работата и истражувањата реализирани во неговото долгогодишно работење во Институтот за пчеларство во Кирхајн, Германија, ставајќи акцент на борбата со вароата и пчеларење без употреба на синтетички средства. Покрај презентацијата на главниот гостин, Програмата на настанот вклучува и повеќе презентации од информативна и едукативна содржина. Засега испланирајте го Вашето учество на настанот и забележето го датумот во Вашите календари, а сите детали и дополнителни информации ќе бидат објавени наскоро.
MacBee го најавува IX-то издание на настанот „Пчеларски ден- знаење и дружење“
